Monday, February 18, 2013

Burma Vs Myanmar

• အင်္ဂလိပ်တွေနဲ့ အင်္ဂလိပ်စာ သုံးသူတိုင်းကနေ တိုင်းပြည်ကို Burma နဲ့ လူမျိုးကို Burmese လို့ ပေါင်းကြတာ ကျွန်တော်တို့နိုင်ငံ မမွေးခင်ကတည်းကပါ။
• ၁၉၈၉ အသက် ၄ဝ ကျော်တော့ နာမည်ပြောင်း ကင်ပွန်းတပ်တယ်။
• မျက်နှာလုပ်နိုင်ငံတွေနဲ့ လူတွေက အရင်လိုက်ပြောင်းကြတယ်။
• အိန္ဒိယ အင်္ဂလိပ်သတင်းစာတွေက တိုင်းပြည်ကို “Myanmar” လို့ ပေါင်းပြီး၊ လူမျိုးကို “Myanmerese” လို့ ပေါင်းတယ်။
• တရုတ် အင်္ဂလိပ်သတင်းစာက လူနာမည်စာလုံးပေါင်းတာတောင် ဦးသိန်းစိန်ကို “Wu Dengsheng” လို့ ပေါင်းတယ်။ ဒီလိုလုပ်တာ တရုတ်ဘဲရှိတယ်။
• အင်္ဂလိပ်ဆီကနေ အင်္ဂလိပ်စာသင်ခဲ့ရတဲ့ အိန္ဒိယတွေရော တရုပ်တွေပါ သူ့တို့အကြိုက်သူတို့ ရေးတာ ပြောစရာမရှိပါ။
• အင်္ဂလိပ်ဆီကနေဘဲ အင်္ဂလိပ်စာ သင်ခဲ့ရတဲ့ ကျွန်တော်တို့ လူမျိုးတွေက အင်္ဂလိပ်စာကို အစစ်ကိုသာ ယူသင့်ကြပါတယ်။
• ခက်တာက အင်္ဂလိပ်စာတတ်တဲ့ ဘယ်သူကမှ Myanmar ကို “မြန်မာ” လို့ မထွက်တတ်ပါ။ My နဲ့ စပေါင်းတော့ အသံထွက်မှာ “မိုင်-အင်န်-မာ” လို့သာ ထွက်ကြတယ်။ အိန္ဒိယလူမျိုးတွေက “မိုင်-အင်န်-မားရ်” လို့ထွက်တယ်။
• ဦးနိုး ကို U Noe လို့ပေါင်းကြတယ် မဟုတ်လား။ လေဆိပ်မှာ "ယူ-နိုး-အီး" လို့ အော်တာကို ကိုယ့်ခေါ်နေမှန်း မသိဖြစ်တယ်။
• သဒ္ဒါအရပြောရင် မြန်မာဆိုတာ “နာမဝိသသန” ဖြစ်တယ်။ မြန်မာစာ၊ မြန်မာလူမျိုး၊ မြန်မာစကား။ တလုံးတည်းတော့ သုံးမရဘူး။
• မြန်မာစာရေးရင် မြန်မာလို အမှန်အတိုင်းရေး၊ မြန်မာလို ပီပီသသထွက်၊ အင်္ဂလိပ်စာကို အင်္ဂလိပ်စစ်တာကိုသာ ရေးသင့်၊ အသံထွက်သင့်ပါတယ်။
• “အိန္ဒိယ-အင်္ဂလိပ်” လဲ မယူနဲ့၊ “တရုတ်-အင်္ဂလိပ်” လဲ မယူနဲ့။ “မြန်မာ-အင်္ဂလိပ်” လဲ မသင့်ပါ။ ကိုယ့်တိုင်းပြည်ထဲမှာ သုံးချင်သူများသုံးပေါ့။ အဲ့့ အပြင်ထွက်ရင်တော့ ပြင်မှဖြစ်မယ်ထင်တယ်။
• အစစ်ကိုသာ ယူချင်သူတွေက ယူပေါ့။ အစစ်ဆိုတာတောင် ဗြိတိသျှ-အင်္ဂလိပ် နဲ့ အမေရိကန်-အင်္ဂလိပ်လည်း ရှိသေးတာ။ စာလုံးပေါင်းရော အသံထွက်ပါ နည်းနည်း မတူဘူး။ သြစတြေးလျှ-အင်္ဂလိပ်ဆိုရင် နားထောင်ရခက်တယ်။ ကနေဒါ-အင်္ဂလိပ်က တချို့မှာ ပြင်သစ်သံ ဝဲတတ်တယ်။
• အတုယူချင်သူတွေကလဲ ယူကြပေါ့။ တချို့က ညံ့မှကြိုက်တယ်လို့တော့ မငေါ့ချင်ပါ။
• ဒါပေမဲ့ ကိုယ့် အင်္ဂလိပ်နဲ့ကိုယ် ပြောကြ၊ ရေးကြတာကို သွားပြီး ကန့်ကွက်လို့လဲ မသင့်ပါ။
• တကမ္ဘာလုံးကို “မြန်မာ-အင်္ဂလိပ်စာ” လိုက်သင်ပေးနေလို့တော့လည်း မတော်ဘူး ထင်ပါတယ်။
• (ကန်တော့ဗျာ) နိုးလဲ မကောင်း၊ အီးလဲ မကောင်းပါ။ ကမ္ဘာမှာ လေဆိပ်တွေ အများကြီးရှိတယ်။

ဒေါက်တာတင့်ဆွေ
၁၂-၇-၂ဝ၁၂

No comments: